Redactura / Redactur Surselva

RTR è la chasa da medias per la Svizra rumantscha e fa medias per e cun las persunas da la regiun. Nus rapportain, infurmain, divertin e colliain – en radio, televisiun, online e sin las medias socialas. Cun nossa lavur rendain nus visibla la Svizra rumantscha e rinforzain la lingua e la cultura rumantscha. RTR fa part da la SRG SSR e stat per ina purschida independenta, multifara e datiers da la glieud.

Tge èn las incumbensas?

retschertgar, rapportar e metter a lieu las differentas tematicas da la regiun

concepir, planisar, producir e raquintar istorgias – audio, video e text

tgirar e sviluppar ina rait da contacts per identifitgar tematicas interessantas che occupan noss public

Tge spetgain nus?

mirveglias ed interess per differentas tematicas e lavurs

ina buna savida generala e bunas enconuschientschas da la regiun

plaschair dad ir vers la glieud e l'abilitad da mussar interess per lur basegns

la prontadad da lavurar irregularmain (saira/fin d'emna) ed autonomamain

pudair lavurar en situaziuns hecticas

experientschas schurnalisticas èn d'avantatg

Tge offrin nus?

ina lavur fitg variada en la regiun ch'è fitg datiers a noss public

in bun clima da lavur en in'interpresa moderna ed innovativa

temps e models da lavur flexibels cun pussaivladads da scolaziun e furmaziun

cumenzament per immediat u tenor cunvegna

Tia annunzia prendain nus gugent encunter fin ils . «Viver en la regiun, nua ch'i capita tut onn ina pluna. Adina tegnair avert egls ed uraglias, resumar, valitar e metter a lieu en moda simpla e correcta, quai circumscriva mes mintgadi interessant, plain da cultura, sport, politica e cun inscunters persunals.»

Anna Caprez, redactura/producenta Engiadina

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.